понедельник, 26 июня 2017 г.

Bitcoin və digər kriptovalyutaların qiymətinin düşməsi onların sonundan xəbər verirmi?

Hörmətli Oxucular,

Son iki gün ərzində kriptovalyutaların qiymətində düşüş nəzərə çarpır. Bazar həcminə (Market Cap) diqqət yetirsək böyük həcmdə (təxminən 6 mlrd dollar ) Bitcoin və digər kriptovalyutaların da böyük həcmdə satışı həyata keçirilmişdir. Hətta bununla əlaqədar Coinbase və bir sıra digər online birjaların fəaliyyətində fasilələr yaranmış bir sıra birjalar ümumiyyətlə müvəqqəti olaraq fəaliyyətini dayandırmışdır.

Bu vəziyyətlə əlaqədar olaraq bir çox insanlar panikaya düşüb öz kriptovalyutalarını daha ucuz qiymətə satırlar. Bu digər tərəfdən də başqaları üçün endirimli qiymətlə alış imkanıdır. :) Əlinizdə olan kriptovalyutaları əslində bu mərhələdə satmaq doğru deyil çünki, 1 Bitcoin və ya 1 Ethereum bu gün də sabah da eyni olaraq 1 Bitcoin və ya 1 Ethereumdur. Bu mərhələdə əslində əsl alış zamanıdır. Çünki zamanla bütün dünyada fərdi şəxslərin kriptovalyutaları alış etməsi onların qiymətinin yenidən uzunmüddətli perspektivdə artışına gətirib çıxaracaq.
Ümumiyyətlə nə baş verdiyi barədə öz fikirlərimi Sizinlə bölüşmək istərdim. Ümumi götürdükdə kriptovalyutalar öz həyat dövrünün hələ ilkin mərhələsindədir. Hələ bu mərhələdə bir çox insanlar kriptovalyutalara bir ödəmə vasitəsilə olaraq baxmaq əvəzinə onlara tez bir zamanda varlanmaq aləti olaraq baxırlar. Bunun nəticəsi olaraq kriptovalyutaların qiymətində belə dalğalı hərəkətlər baş verir. Üstəlik də Bitcoin və digər top onluqda olan kriptovalyutaların həcminin böyüməsi ilə bağlı yaranan problemləri var ki, onları həll etməyə çalışırlar. Xüsusilə Bitcoin avqust ayının birində SegWitx2 aktivləşdirməklə yeni bir dönəmə keçid əldə etmiş olacaq. Bu o deməkdir ki, bitcoin tranzaksiyalarının təsdiq sürəclərində ciddi bir irəliləyiş olacaqdır ki, bu da bitcoinun gündəlik istifadəsini rahatlaşdıracaqdır.
Bu gün dünyada ikinci yerdə olan Ethereum kriptovalyutası komandası böyümənin gətirəcəyi problemlərin aradan qaldırılması istiqamətində ciddi irəliləyişlər əldə edirlər. Əslinə baxarsanız Ethereum spekulant investorların səyləri nəticəsində həddindən artıq böyümüşdür. Belə ki, 2017-ci ilin əvvəllərində 10-11 dollar dəyərində olan kriptovalyuta 6 ay sonra 380-400 dollar həddinə gəlib çatmışdır. Əslində isə bir ödəniş vasitəsi olaraq Ethereum üçün bu real dəyər deyil. 
Bundan sonra nə olacaq?
Bundan sonra olacaqları təxmin etmək çox çətindir. Çünki hal-hazırda kriptovalyutalarla baş verən proseslər nə texniki nə də fundamental analiz çərçivələrinə sığmır. Burada daha çox psixoloji faktorları düşünmək lazımdır. Yəni əgər kütlə bu böyük həcmdə satışların təsirindən əllərində olan kriptovalyutaların satışını etmək qərarına gəlsələr bəlkədə məsələn Ethereum dəyərində 150-200 dollarlara qədər düşüş ola bilər. Yaxud əksinə də proses baş verə bilər ki, hal-hazırda mövcud olan 250 dollar həddindən yuxarı qalxar. Bunu zaman göstərəcək.

Bu arada bir sıra Altcoinlarda top onluğa daxil olan kriptovalyutalarda düşüşə baxmayaraq əksinə artım müşahidə olunur. Bu əsasən onların arxasında real istifadəçilərin durması ilə əlaqədardır. Maləsəf xüsusilə Ethereum bu dərəcədə popularlığına baxmayaraq arxasında o dərəcədə istifadəçi ordusu yoxdur.

Ümumilikdə düşünürəm ki, hal-hazırda əgər əlinizdə kriptovalyuta varsa onu satmağa dəyməz. Əgər ümumiyyətlə kriptovalyutanız oxdursa indi əsl almaq vaxtıdır.

Комментариев нет:

Отправить комментарий